ເມສາ24
ປະຫວັດຄວາມເປັນມາຂອງ ວຄຄຂ
ຊື້ຜູ້ຂຽນ ຄູ ໄມສຸກ ຢ່າງເຈຍມົວ
I. ປະຫວັດຄວາມເປັນມາ
ວິທະຍາໄລຄູຄັງໄຂແມ່ນສະຖາບັນການສຶກສາທີ່ໄດ້ສືບທອດຈາກໂຮງຮຽນສ້າງຄູປະຖົມສູນກາງສ້າງຕັ້ງຂື້ນໃນປີ 1962–1963 ທີ່ຄັງຫົວນາໝີ
ຕົວເມືອງຊຳເໜືອ, ແຂວງຫົວພັນ.
- ໃນສົກຮຽນ 1978 - 1979 ໄດ້ປ່ຽນມາເປັນສ້າງຄູເລກ 3 ຂອງສູນກາງແນວລາວຮັກຊາດ,ຍ້ອນປະເທດຊາດໄດ້ມີການປ່ຽນແປງບາດລ້ຽວໃໝ່ຂອງ
ການປະຕິວັດ, ການສຶກສາກໍ່ໄດ້ຮັບການຂະ ຫຍາຍຕົວໄປພ້ອມໆກັນສະນັ້ນຈິ່ງໄດ້ຍົກຍ້າຍຈາກເມືອງວຽງໄຊມາຕັ້ງຢູ່ເມືອງຄຳ, ແຂວງຊຽງຂວາງ.
- ໃນສົກຮຽນ 1995 – 1996 ໄດ້ປ່ຽນມາເປັນໂຮງຮຽນສ້າງຄູຊຽງຂວາງ ( ຕັ້ງຢູ່ຄັງກິວ,ເມືອງແປກ, ແຂວງຊຽງຂວາງ ).
- ຍ້ອນຄວາມເຕີບໃຫຍ່ຂະຍາຍຕົວຂອງການສຶກສາແຫ່ງຊາດກໍ່ຄືການພັດທະນາວຽກງານສ້າງຄູໃນໄລຍະໃໝ່, ເພື່ອຕອບສະໜອງກັບຄວາມຮຽກຮ້ອງ
ຕ້ອງການໃນການພັດທະນາຊັບພະຍາກອນມະນຸດ. ມາຮອດວັນທີ່.16 / 10 / 1998 ຈິ່ງໄດ້ຕົກລົງສ້າງເປັນວິທະຍາໄລຄູຄັງໄຂຢ່າງເປັນທາງການຈົນເຖິ່ງປັດຈຸບັນນີ້.
II ວິທະຍາໄລຄູຄັງໄຂໃນປັດຈຸບັນ
1/ ພາລະໜ້າທີ່ຂອງວິທະຍາໄລຄູຄັງໄຂ
ຕາມການມອບໝາຍຂອງກົມສ້າງຄູ, ກະຊວງສຶກສາທິການ, ວິທະຍາໄລຄູຄັງໄຂມີໜ້າທີ່ກໍ່ສ້າງຄູໃຫ້ແກ່ 2 ແຂວງພາກເໜືອຄື: ແຂວງຊຽງຂວາງແລະແຂວງຫົວພັນ, ນອກນັ້ນຍັງໄດ້ສ້າງຄູຊົນເຜົ່າຕາມໂຄງການ LABE ໃຫ້ແກ່ແຂວງຊຽງຂວາງ, ແຂວງຫົວພັນ, ແຂວງວຽງຈັນ, ແຂວງຫຼວງພະບາງ, ແຂວງບໍລິຄຳໄຊແລະເຂດພິເສດໄຊສົມບູນ.
• ສຳລັບການສ້າງຄູໄດ້ດຳເນີນໄປຕາມຫຼັກສູດ 3 ລະບົບຄື:
1/ ຮັບເອົານັກຮຽນທີ່ຮຽນຈົບຈາກມັດທະຍົມຕົ້ນແລະຄູບໍ່ໄດ້ມາດຖານມາຮຽນຕໍ່ 3 ປີຈະໄດ້ຮັັບປະກາສະນິຍະບັດຊັ້ນກາງແລະໄປສອນຊັ້ນປະຖົມສຶກສາ
ເອີ້ນວ່າລະບົບ 8+3.
2/ ຮັບເອົານັກຮຽນທີ່ຈົບມັດທະຍົມປາຍແລະຄູບໍ່ໄດ້ມາດຖານມາຮຽນຕໍ່ 1 ປີແລະ 2ປີ ໄດ້ຮັບປະກາສະນິຍາບັດຊັ້ນກາງແລະໄປສອນຊັ້ນປະຖົມສຶກສາ 11+1 , 11+2 ແລະ ອະນຸບານເອີ້ນວ່າລະບົບ 11+2 .
3/ ຮັບເອົານັກຮຽນທີ່ຈົບມັດທະຍົມປາຍແລະຄູຊັ້ນກາງມາຮຽນຕໍ່ 3 ປີໄດ້ຮັບປະກາສະນິຍາບັດຊັ້ນສູງແລະ ໄປສອນຊັ້ນມັດທະຍົມຕົ້ນເອີ້ນວ່າລະບົບ 11+3 ເຊີ່ງລວມມີ 5 ສາຍຮຽນຄື:
- ສາຍວິທະຍາສາດສັງຄົມ
- ສາຍວິທະຍາສາດທຳມະຊາດ
- ສາຍຄະນິດສາດ
- ສາຍພາສາລາວ - ວັນນະຄະດີ
- ສາຍພາສາອັງກິດ
1/ ຮັບເອົາພະນັກງານທີ່ຮຽນຈົບລະບົບ 11+1 ມາຮຽນຕໍ່ 3 ພາກຮຽນໄດ້ຮັບປະກາສະນິຍາບັດຊັ້ນສູງໄປສອນຊັ້ນມັດທະຍົມຕົ້ນເອີ້ນວ່າລະບົບ 11+1+2
2/ ຮັບເອົາພະນັກງານທີ່ຮຽນຈົບລະບົບ 11+3 ມາຮຽນຕໍ່ 3 ພາກຮຽນໄດ້ຮັບປະກາສະນິຍາບັດັ້ນປະລິນຍາຕີໄປສອນຊັ້ນມັດທະຍົມປາຍເອີ້ນວ່າລະບົບ 11+3+2.
ໃນສົກຮຽນ2009 – 2010ໂຮງຮຽນໄດ້ເປີດຫຼັກສູດການຮຽນ - ການສອນປະລິນຍາຕີປົກກະຕິລະບົບ 11+5 ລວມມີ 5 ສາຍຮຽນຄື:
- ສາຍພູມີສາດ
- ສາຍພາສາລາວ - ວັນນະຄະດີ
- ສາຍຄະນິດສາດ
- ສາຍພາສາອັງກິດ
- ສາຍຟິຊິກສາດ
ນອກນີ້ທາງສະຖາບັນຍັງໄດ້ປະຕິບັດໜ້າທີ່ລວມຂອງຕົນອີກເຊັ່ນ:
• ບຳລຸງວິທີການນຳໃຊ້ຫຼັກສູດແລະວິທີສອນໃຫ້ແກ່ຄູ - ອາຈານຕາມຂອບເຂດຄວາມຮັບຜິດຊອບຂອງວິທະຍາໄລຄູຄັງໄຂແລະຕາມໂຄງການປັບປຸງຄຸນນະພາບການສຶກສາໄລຍະທີ່ I ທີ່ IIຂອງກະຊວງສຶກສາທິການ.
• ວິໄຈຫົວຂໍ້ເລື່ອງຕ່າງໆທີ່ເຫັນວ່າ, ມີຜົນປະໂຫຍດມາສູ່ການພັດທະນາຄຸນນະພາບການສຶກສາ,ແລະ ຊຸມຊົນ, ໂດຍສະເພາະໃຫ້ຄູ - ອາຈານມີຄວາມຮູ້, ຄວາມສາມາດຕາມ 5 ຫຼັກມູນການສຶກສາ.
• ອານຸລັກ , ສົ່ງເສີມມູນເຊື້ອສິລະປະວັດທະນາທຳ, ຮິດຄອງປະເພນີອັນດີງາມຂອງຊາດແລະທ້ອງຖິ່ນ.
ບົນພື້ນຖານຕ່າງຝ່າຍຕ່າງມີຜົນປະໂຫຍດເພື່ອຊ່ວຍເຫຼືອຊຶ່ງກັນແລະກັນທາງດ້ານສັບສິນແລະສະຕິປັນຍາເຂົ້າໃນການພັດທະນາວິທະຍາໄລຄູຄັງໄຂ.
• ຈັດຕັ້ງປະຕິບັດຕາມໂຄງການຕ່າງໆຕາມການມອບໝາຍຂອງອຳນາດການປົກຄອງທ້ອງຖິ່ນ ແລະ ກະຊວງສຶກສາທິການ.
2/ ໂຄງປະກອບການຈັດຕັ້ງ
ໂດຍປະຕິບັດຕາມຂໍ້ຕົກລົງຂອງທ່ານລັດຖະມົນຕີວ່າການກະຊວງສຶກສາທິການສະບັບເລກທີ່1484 / ສສ. ສຄ/ 2002 ລົງວັນທີ່ 30 / 9 / 01 ວ່າດ້ວຍລະບົບຜູ້ບໍລິຫານສະຖາບັນສ້າງຄູ, ວິທະຍາໄລຄູ
ຄັງໄຂປະກອບດ້ວຍການຈັດຕັ້ງດັ່ງນີ້:
1/ ສະພາທີປຶກສາວິທະຍາໄລຄູຄັງໄຂ
2/ ສະພາວິຊາການ
3/ ຜູ້ອຳນວຍການວິທະຍາໄລຄູ
4/ ຮອງອຳນວຍການ 3 ທ່ານ
5/ ມີ 10 ຫ້ອງການຂື້ນກັບ 33 ໜ່ວຍງານ.
3/ ຂອບເຂດຄວາມຮັບຜິດຊອບ
• • ສ້າງຄູປະຖົມແລະຄູມັດທະຍົມຕົ້ນໃຫ້ແກ່ສອງແຂວງພາກເໜືອຊຽງຂວາງແລະຫົວພັນ.
- ສ້າງຄູປະຖົມລະບົບ 8+3 ໃຊ້ເວລາກໍ່ສ້າງທັງໝົດ 3056
ຊົ່ວໂມງເທົ່າກັບ 130 ໜ່ວຍກິດ,
ໃນນັ້ນ 47 , 27% ແມ່ນຮຽນກ່ຽວກັບວິຊາຄູ, 62,73 % ແມ່ນທົ່ວໄປບັງຄັບແລະວິຊາເລືອກ.
- ສ້າງຄູປະຖົມ 11+1
ໃຊ້ເວລາໃນການກໍ່ສ້າງ 992 ຊົ່ວໂມງເທົ່າ 37 ໜ່ວຍກິດ,ໃນນັ້ນ
94% ແມ່ນວິຊາຄູ 6% ແມ່ນທົ່ວໄປບັງຄັບແລະວິຊາເລືອກ.
• ສ້າງຄູມັດທະຍົມຕົ້ນ 11+3 ແບ່ງເປັນ 3 ຂະແໜງຄື: - ຂະແໜງວິທະຍາສາດ - ຄະນິດສາດແມ່ນສ້າງຄູໄປສອນຄະນິດສາດແລະວິທະຍາສາທຳ
ມະຊາດໃນນັ້ນມັດທະຍົມຕົ້ນໃຊ້ເວລາທັງໝົດ2880ຊົ່ວໂມງເທົ່າກັບ 110 ໜ່ວຍກິດ, ໃນນັ້ນ 40,90% ແມ່ນວິຊາຄູ 59,10%ແມ່ນວິຊາທົ່ວໄປຕາມສາຍ
ແລະວິຊາເລືອກ.- ຂະແໜງວິທະຍາສາດສັງແມ່ນສ້າງຄູໄປສອນວິຊາພາສາລາວ, ພູມສາດ, ປະຫວັດສາດ, ສຶກສາພົນລະເມືອງແລະວິຊາເລືອກ
ຈຳນວນໜຶ່ງ ໃຊ້ເວລາທັງໝົດ 2880 ຊົ່ວໂມງເທົ່າກັບ 110 ໜ່ວຍກິດ,ໃນນັ້ນ 40,90%ແມ່ນວິຊາຄູ, 59,10% ແມ່ນວິຊາທົ່ວໄປຕາມສາຍແລະວິຊາເລືອກ.
- ຂະແໜງພາສາອັງກິດ ເປີດສອນໃນສົກປີ 1999 ເປັນຕົ້ນມາ.
4/ ການຂັດເລືອກນັກຮຽນ
ວິທະຍາໄລຄູຄັງໄຂກໍ່ຄືວິທະຍາໄລແຫ່ງຕ່າງໆໃນທົ່ວປະເທດຈະຮັບເອົານັກສຶກສາຕາມແຜນ
ແບ່ງປັນຂອງກະຊວງສຶກສາທິການກຳນົດໃຫ້ເຊິ່ງມີສອງປະເພດຄື:
1/ ນັກສຶກສາໃນແຜນ: ແມ່ນຈຳນວນນັກສຶກສາທີ່ມາຈາກພະແນກສຶກສາປະຈຳແຂວງທີ່
ກ່ຽວຂ້ອງສົ່ງມາໄດ້ຮັບເບ້ຍລ້ຽງຈາກລັດຖະບານ
ຕະຫຼອດໄລຍະການຮຽນ.
2/ ນັກສຶກສານອກແຜນ: ແມ່ນນັກສຶກສາທີ່ໄດ້ຜ່ານການຂັດເລືອກດ້ວຍການສອບເສັງຈາກ
ວິທະຍາໄລຄູຄັງໄຂໂດບອີງຕາມຕົວເລກແບ່ງປັນ
ຂອງກະຊວງສຶກສາທິການ,