ກຸມພາ7

ກອງປະຊຸມຄະນະພັກຮາກຖານ ວິທະຍາໄລຄູຄັງໄຂ
                                                

ຊື່ຜູ້ຂຽນ ທ່ານ....

ໃນຕອນແລງ ຂອງວັນທີ 06 ກຸມພາ 2019 ວິທະຍາໄລຄູຄັງໄຂ ໄດ້ເປີດກອງປະຊຸມພັກຖານຮາກຖານຂຶ້ນ ທີ່ສະໂມສອນວິທະຍາໄລຄູຄັງໄຂ ເຊິ່ງມີຈຸດປະສົງເພື່ອສະຫຼຸບຕີລາຄາປະຈໍາໄຕມາດ ທີ IV (10, 11, 12 / 2018) ແລະ ແຜການປະຈໍາໄຕມາດ ທີ I (1, 2, 3 / 2019) ພາຍໃຕ້ການເປັນປະທານຂອງ ສະຫາຍ ວັນນີ ຢ່າງເຈຍມົວ ເລຂາຄະນະພັກຮາກຖານວິທະຍາໄລຄູຄັງໄຂ ແລະ ການເຂົ້າຮ່ວມຂອງຄະນະພັກຮາກຖານ, ເລຂາ, ຮອງເລຂາຄະນະພັກໝ່ວຍ, ຈຸ ແລະ ບັນດາສະມາຊິກພັກເຂົ້າຮ່ວມທັງໝົດ 132 ສະຫາຍ.

ຜູ້ລົງຂ່າວ ໄມສຸກ ຢ່າງເຈຍມົວວັນທີ່ລົງຂ່າວ:24 ເດືອນ 3 ປີ 2019,






ມັງກອນ9

ພິທີຈັດສົ່ງພະນັກງານອອກພັກການ ເພື່ອຮັບບໍານານ ແລະ ປະກາດແຕ່ງຕັ້ງພະນັກງານດໍາລົງຕໍາແໜ່ງຮອງຜູ່ອໍານວຍການ ວິທະຍາໄລຄູຄັງໄຂ                        

ຊື່ຜູ້ຂຽນ ຄູ ໄຊຍະພອນ ຈັນດາວົງ

ຄັ້ງວັນທີ 9 ມັງກອນ 2019 ທີ່ວິທະຍາໄລຄູຄັງໄຂ ແຂວງຊຽງຂວາງ. ໃນຕອນເຊົ້າຂອງວັນທີ 9 ມັງການ 2019 ວິທະຍາໄລຄູຄັງໄຂໄດ້ຈັດພິທີຈັດສົ່ງພະນັກງານອອກພັກການ ເພື່ອຮັບບໍານານ ແລະ ປະກາດແຕ່ງຕັ້ງພະນກັງານດໍາລົງຕໍາແໜ່ງຮອງຜູ້ອໍານວຍການ ວິທະຍາໄລຄູຄັງໄຂ ຂຶ້ນທີ່ສະໂມສອນວິທະຍາໄລຄູຄັງໄຂ ພາຍໃຕ້ການປະທານຂອງທາ່ນ ນາງ ວຽງແກ້ວ ພົມມະວົງ ຫົວໜ້າກົມຈັດຕັ້ງ - ພະນັກງານ ກະຊວງສຶກສາທິການ ແລະ ກິລາ, ທ່ານ ອາຈານ ເກດ ພັນລັກ ຫົວໜ້າກົມສ້າງຄູ ກະຊວງສຶກສາທິການ ແລະ ກິລາ, ທ່ານ ນາງ ພວງພະຈັນ ມູນທະວົງ ຮອງຫົວໜ້າຄະນະຈັດຕັ້ງແຂວງຊຽງຂວາງ ແລະ ທ່ານ ອາຈານ ວັນນີ ຢ່າງເຈຍມົວ ຜູ່ອໍານວຍການວິທະຍາໄລຄູຄັງໄຂ ພ້ອມດ້ວຍການເຂົ້າຮ່ວມຂອງທ່ານແຂກທີ່ຖືກເຊີນ, ຄະນະນໍາໂຮງຮຽນ, ພະນັກງານບໍານານ, ຄູ - ອາຈານ, ພະນັກງານທົ່ວວິທະຍາໄລຄູຄັງໄຂເຂົ້າຮ່ວມ 100 ກວ່າທ່ານ.

ເນື້ອໃນທີ່ນໍາເອົາມາສະເໝີໃນກອງປະຊຸມຄັ້ງນີ້ມີຄື:  ຜ່ານຂໍ້ຕົກລົງ ຂອງລັດຖະມົນຕີກະຊວງສຶກສາທິການ ແລະ ກິລາ ວ່າດ້ວຍການອະນຸມັດໃຫ້ ທ່ານ ອາຈານ ນາງ ແກ່ນຈັນ ພັນທະວົງ ຕໍາແໜ່ງຮອງຜູ່ອໍານວຍການວິທະຍາໄລຄຄັງໄຂ ອອກພັກການ ເພື່ອຮັບບໍານານ.  ຜ່ານຂໍ້ຕົກລົງ ຂອງລັດຖະມົນຕີກະຊວງສຶກສາທິການ ແລະ ກິລາ ວ່າດ້ວຍການແຕ່ງຕັ້ງ ທ່ານ ອາຈານ ລີວັນ ວົງດານັນທະພັນ ດໍາລົງຕໍາແໜ່ງຮອງຜູ່ອໍານວຍການ ວິທະຍາໄລຄູຄັງໄຂ ໂດຍ ທ່ານ ນາງ ວຽງແກ້ວ ພົມມະວົງ ຫົວໜ້າກົມຈັດຕັ້ງ - ພະນັກງານ ກະຊວງສຶກສາທິການ ແລະ ກິລາ ເປັນຜູ້ຜ່ານ. ເພື່ອເປັນບົດຮຽນ ແລະ ແນວທາງໃນການເຄື່ອນໄຫວວຽກງານໃຫ້ແກ່ຄູ - ອາຈານ ແລະ ພະນັກງານໃນວິທະຍາໄລຄູຄັງໄຂ ທ່ານ ອາຈານ ນາງ ແກ່ນຈັນ ພັນທະວົງ ໄດ້ຂຶ້ນຜ່ານບົດຮຽນ ແລະ ປະສົບການໃນການເຄື່ອນໄຫວວຽກງານຕະຫຼອດໄລຍະທີ່ໄດ້ປະຕິບັດຜ່ານມາ, ຕໍ່ຜົນງານດັ່ງກ່າວລ້ວນແຕ່ເປັນບົດຮຽນໃຫ້ແກ່ຄູ - ອາຈານ ແລະ ພະນັກງານໃນທົ່ວວິທະຍາໄລຄູຄັງໄຂ. ເພື່ອສະແດງເຖິງຄວາມຮູ້ບຸນຄຸນ ແລະ ເຫັນໄດ້ຄຸນງາມຄວາມດີ ທີ່ທ່ານ ອາຈານ ນາງ ແກ່ນຈັນ ພັນທະວົງ ໄດ້ອຸທິດທາງດ້ານສະຕິປັນຍາ, ເຫື່ອແຮງ, ວັດຖຸ ແລະ ຈິດໃຈ ໃນຕະຫຼອດໄລຍະອາຍຸທີ່ທ່ານເປັນລັດຖະກອນ ເພື່ອພັດທະນາວິທະຍາໄລຄູຄັງໄຂ. ສະນັ້ນ, ທ່ານ ອາຈານ ວັນນີ ຢ່າງເຈຍມົວ ຜູ່ອໍານວຍການວິທະຍາໄລຄູຄັງໄຂໄດ້ມີຄໍາຄິດຄໍາເຫັນ ສະແດງຄວາມກະຕັນຍູ, ຮູ້ບຸນຄຸນ ແລະ ກ່າວຄໍາຂອບໃຈຕໍ່ທ່ານ ພ້ອມທັງມອບໃບຍ້ອງຍໍ ແລະ ຂອງຂວັນໃຫ້ແກ່ທ່ານ. ຈາກນັ້ນ, ທ່ານ ອາຈານ ລີວັນ ວົງດານັນທະພັນ ຜູ່ດໍາລົງຕໍາແໜ່ງຮອງຜູ່ອໍານວຍການຄົນໃໝ່ຂຶ້ນຮັບໜ້າທີ່. ເພື່ອເຮັດໃຫ້ພິທີດັ່ງກ່າວມີຄວາມໝາຍເລິກເຊິ່ງ ແລະ ເປັນທິດທາງໃນການຈັດຕັ້ງປະຕິບັດວຽກງານຂອງຄູ - ອາຈານ, ພະນັກງານ ທ່ານ ອາຈານ ເກດ ພັນລັກ ຫົວໜ້າກົມສ້າງຄູ ກະຊວງສຶກສາທິການ ໄດ້ມີຄວາມຄິດເຫັນຕໍ່ທີ່ປະຊຸມ ເຊິ່ງທ່ານໄດ້ເນັ້ນໜັກຫຼາຍບັນຫາ ໂດຍສະເພາະ ແມ່ນການປັບປຸງລະບົບການຈັດຕັ້ງຂອງວິທະຍາໄລຄູໃຫ້ທໍາໃຈ ແລະ ອົດທົນລໍຖ້າ, ໃຫ້ຄູ - ອາຈານ, ພະນັກງານປະຕິບັດ 8 ສ ໃຫ້ປະກົດຜົນເປັນຈິງ, ເປັນຮູບປະທໍາຂຶ້ນ ໃນຂົງເຂດການສຶກສາເວົ້້າລວມ, ເວົ້າສະເພາະແມ່ນວິທະຍາໄລຄູຂອງພວກເຮົາ. ຈາກນັ້ນ, ທ່ານ ນາງ ວຽງແກ້ວ ພົມມະວົງ ຫົວໜ້າກົມຈັດຕັ້ງ - ພະນັກງານ ກະຊວງສຶກສາທິການ ແລະ ກິລາ ກໍໄດ້ເນັ້ນຫຼາຍບັນຫາໂດຍສະເພາະແມ່ນ ການສ້າງນິຕິກໍາຕ້ອງໃຫ້ສອດຄ່ອງ, ການປະກອບສ່ວນຂອງລັດຖະກອນ, ການລົງຮາກຖານແມ່ນໜ້າທີ່ສໍາຄັນຂອງລັດຖະກອນທຸກຄົນ ທີ່ຕ້ອງໄດ້ພ້ອມກັນປະຕິບັດ ເພື່ອພັດທະນາວຽກງານໃຫ້ມີຄວາມຈະເລີນກ້າວໜ້າຂຶ້ນເລື້ອຍໆ.

ຜູ້ລົງຂ່າວ ໄມສຸກ ຢ່າງເຈຍມົວວັນທີ່ລົງຂ່າວ:24 ເດືອນ 3 ປີ 2019<,



ອ່ານຕໍ່    4| | | 1 4| | | 2 | | |3 4| | | 3 | | |3 4| | | 4 | | |3 4| | | 5 | | |3 4| | | 6 | | |3

           4| | | 7 | | |3 4| | | 8 | | |3