ຜູ້ລົງຂ່າວ:

ຄະນະຜູ້ແທນຈາກ ມະຫາວິທະຍາໄລເຕິນຈາວ ສາທາລະນະລັດສັງຄົມນິຍົມຫວຽດນາມ ເຂົ້າຢ້ຽມຢາມແລະແລກປ່ຽນບົດຮຽນວິຊາການກັບ ວິທະຍາໄລຄູຄັງໄຂວັນທີ 3 ມິຖຸນາ 2026ົນໃໝ່

ໃນ ວັນທີ 3 ມິຖຸນາ 2026 ຄະນະຜູ້ແທນຈາກ ມະຫາວິທະຍາໄລເຕິນຈາວ ແຂວງຕວຽນກວາງສາທາລະນະລັດສັງຄົມນິຍົມຫວຽດນາມ ນຳໂດຍທ່ານ ປອ ຫງຽນມິງແອັງຕວ້ານ ຜູ້ອຳນວຍການມະຫາວິທະຍາໄລເຕິນຈາວ ພ້ອມດ້ວຍຄະນະເຂົ້າຢ້ຽມຢາມ ແລະ ແລກປ່ຽນປະສົບການດ້ານວິຊາການກັບວິທະຍາໄລຄູຄັງໄຂ. ໃນໂອກາດນີ້ຄະນະຜູ້ບໍລິຫານ ແລະ ຄູ-ອາຈານ ວິທະຍາໄລຄູຄັງໄຂນຳໂດຍ ທ່ານ ນາງ ທຽນ ພູພອນທອງ ຮອງຜູ້ອຳນວຍການ ວິທະຍາໄລຄູຄັງໄຂໄດ້ໃຫ້ການຕ້ອນຮັບຢ່າງອົບອຸ່ນທັງສອງຝ່າຍໄດ້ແລກປ່ຽນປະສົບການກ່ຽວກັບການບໍລິຫານການສຶກສາ, ການພັດທະນາຫຼັກສູດ, ການຮຽນການສອນ ແລະ ການຄົ້ນຄວ້າວິທະຍາສາດ ເພື່ອເສີມສ້າງຄວາມຮ່ວມມືດ້ານການສຶກສາ ລະຫວ່າງ ສອງສະຖາບັນໃຫ້ແໜ້ນແຟ້ນຍິ່ງຂຶ້ນ. ການເຂົ້າຢ້ຽມຢາມໃນຄັ້ງນີ້ ມີຈຸດປະສົງເພື່ອສົ່ງເສີມການພົວພັນຮ່ວມມືດ້ານການສຶກສາ, ການແລກປ່ຽນບົດຮຽນການບໍລິຫານ, ການຮຽນການສອນ ແລະ ການຄົ້ນຄວ້າວິທະຍາສາດ. ທັງສອງຝ່າຍໄດ້ຮ່ວມກັນແລກປ່ຽນຄວາມຄິດເຫັນ ແລະ ປະສົບການໃນການພັດທະນາຄຸນນະພາບການສຶກສາ ເພື່ອໃຫ້ທັນກັບການປ່ຽນແປງໃນຍຸກປັດຈຸບັນ. ໃນໂອກາດນີ້ ຄະນະຜູ້ແທນຍັງໄດ້ຮັບຊົມ ວີດີໂອ ກ່ຽວກັບວິທະຍາໄລຄູຄັງໄຂ ເປັນຕົ້ນແມ່ນ ສະຖານທີ່ຈັດການຮຽນ - ການສອນ, ຫ້ອງທົດລອງຕ່າງໆ ແລະ ສິ່ງອຳນວຍຄວາມສະດວກຕ່າງໆຂອງວິທະຍາໄລ. ບັນຍາກາດການແລກປ່ຽນເປັນໄປຢ່າງອົບອຸ່ນ, ເປັນມິດ ແລະ ສ້າງສັນ. ການເຂົ້າຢ້ຽມຢາມ ແລະ ແລກປ່ຽນບົດຮຽນໃນຄັ້ງນີ້ ນັບເປັນບາດກ້າວສຳຄັນໃນການເສີມສ້າງຄວາມສຳພັນ ແລະ ຄວາມຮ່ວມມືດ້ານການສຶກສາລະຫວ່າງສອງສະຖາບັນໃຫ້ແໜ້ນແຟ້ນຍິ່ງຂຶ້ນ.