ກໍລະກົດ 01

ກອງປະຊຸມໃຫຍ່ຄັ້ງທີ II ຂອງສະຫະພັນກຳມະບານວິທະຍາໄລຄູຄັງໄຂ ວັນທີ 1 ກໍລະກົດ 2020.

ຊື່ຜູ້ຂຽນ ອຈ

ໃນວັນທີ 1 ກໍລະກົດ 2020 ກອງປະຊຸມໃຫຍ່ຄັ້ງທີ II ຂອງສະຫະພັນກໍາມະບານວິທະຍາໄລຄູຄັງໄຂໄດ້ເປີດຂຶ້ນຢ່າງເປັນທາງການ ແລະ ດໍາເນີນເປັນເວລາໜຶ່ງຕອນ. ໂດຍພາຍໃຕ້ການເປັນປະທານຂອງສະຫາຍ ສອນແກ້ວ ທິບພະວັນ ວ່າການປະທານສະຫະພັນກຳມະບານວິທະຍາໄລຄູຄັງໄຂ
ພ້ອມດ້ວຍການເຂົ້າຮ່ວມຂອງສະຫາຍ ນາງ ອູທອນ ມາສີຊົນໄຊ ຄະນະບໍລິຫານງານສູນກາງສະຫະພັນກຳມະບານລາວ ປະທານສະຫະພັນກຳມະບານແຂວງຊຽງຂວາງ, ສະຫາຍ ວັນນີ ຢ່າງເຈຍມົວ ເລຂາຄະນະພັກຮາກຖານວິທະຍາໄລຄູຄັງໄຂ, ສະຫາຍ ນາງ ທຽນ ພູພອນທອງ ປະທານສະຫະພັນແມ່ຍິງວິທະຍາໄລຄູຄັງໄຂ, ສະຫາຍ ຄຳວົງ ອຸດົມສຸກ ຄະນະບໍລິຫານງານຊາວໜຸ່ມແຂວງຊຽງຂວາງ ເລຂາບໍລິຫານງານຮາກຖານຊາວໜຸ່ມວິທະຍາໄລຄູຄັງໄຂ, ມີຄະນະນຳແຕ່ລະຫ້ອງການ ແລະ ສະມາຊິກກຳມະບານເຂົ້າຮ່ວມທັງໝົດ 300 ກວ່າສະຫາຍ. ໃນວາລະດຳເນີນກອງປະຊຸມໃຫຍ່ຄັ້ງທີ II ຂອງສະຫະພັນກຳມະບານໄດ້ຮັບຟັງ ແລະ ເຊື່ອມຊຶມເນື້ອໃນສໍາຄັນ ເຊັ່ນ ບົດລາຍງານການເມືອງ ແລະ ບົດສຳຫຼວດການນຳພາລວມຂອງຄະນະສະຫະພັນກຳມະບານສະໄໝທີ I ເຊິ່ງມີ 2 ພາກຄືຕີລາຄາການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີI ຕະຫຼອດໄລຍະ 5 ປີຜ່ານມາ ແຕ່ປີ 2014-2019 ແລະ ແຜນການ 5 ປີ ແຕ່ປີ 2020-2024, ຜ່ານຂໍ້ຕົກລົງຮັບຮອງ, ເປີດປ້າຍ ແລະ ມອບໃບຢັ້ງຢືນ 5 ເປັນເຈົ້າ, ຜ່ານຂໍ້ຕົກລົງຍ້ອງຍໍສສະມາຊິກດີເດັ່ນຈາກຂັ້ນແຂວງ ແລະ ສູນກາງສະຫະພັນກຳມະບານລາວ, ຄະນະສະຫະພັນຊຸດເກົ່າ ຜ່ານບົດສຳຫຼວດການນຳພາວຽກງານສະຫະພັນກຳມະບານໃນການເຄື່ອນໄຫວວຽກງານສະໄໝທີ I ແລະ ກ່າວລາໜ້າທີ່, ຜ່ານເງື່ອນໄຂ ແລະ ມາດຖານຜູ້ສະໜັກ ແລະ ລາຍຊື່ຜູ້ສະໝັກຄະນະປະທານວິທະຍາໄລຄູຄັງໄຂຊຸດໃໝ່, ຜ່ານໜັງສືແຕ່ງຕັ້ງຄະນະຮັບຜິດຊອບຄວບຄຸມປ່ອນບັດຄັດເລືອກຄະນະປະທານຊຸດໃໝ່ ແລະ ບັນດາສະມາຊິກກຳມະບານທັງໝົດໄດ້ດຳເນີນການປ່ອນບັດ ແລະ ສັງລວມຄະແນນ ເພື່ອຄັດເລືອກເອົາຄະນະປະທານສະຫະພັນກຳມະບານວິທະຍາໄລຄູຄັງໄຂຊຸດໃໝ່. ກອງປະຊຸມໃຫຍ່ຄັ້ງທີ II ຂອງສະຫະພັນກຳມະການໄດ້ເປັນເອກະສັນກັນຮັບຮອງເອົາບັນດາເນື້ອໃນສໍາຄັນ ເຊັ່ນ ກອງປະຊຸມໄດ້ພ້ອມກັນຄົ້ນຄວ້າ ແລະ ປະກອບຄຳຄິດຄຳເຫັນໃສ່ຮ່າງບົດລາຍງານການເມືອງ ແລະ ບົດສຳຫຼວດການນຳພາລວມຂອງຄະນະຮາກຖານກຳມະບານສະໄໝທີ I ໃນນັ້ນ, ໄດ້ຕີລາຄາດ້ານດີ, ດ້ານອ່ອນ, ຂໍ້ຄົງຄ້າງ, ສາເຫດ, ບົດຮຽນໃນການຊີ້ນຳ-ນຳພາ ແລະ ຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີI ຕະຫຼອດໄລຍະ 5ປີຜ່ານມາ.ພ້ອມນີ້, ກອງປະຊຸມຍັງໄດ້ເປັນເອກະສັນກັນຮັບຮອງເອົາທິດທາງ, ແຜນການ 5 ປີ ແຕ່ປີ 2020-2024. ຮັບຮອງບັນດາມາດຕະການ ແລະ ວິທີການຈັດຕັ້ງປະຕິບັດມະຕິຂອງກອງປະຊຸມໃຫຍ່ຄັ້ງທີ IIຂອງຮາກຖານກຳມະບານແຕ່ປີ 2020 – 2024 ໃຫ້ບັນລຸຕາມຄາດໝາຍທີ່ວາງໄວ້. ຜູ່ແທນກອງປະຊຸມ ໄດ້ພ້ອມກັນໃຊ້ສິດປະຊາທິປະໄຕຂອງຕົນ ປ່ອນບັດຄັດເລືອກເອົາຄະນະກຳມະບານຊຸດໃໝ່ບົນພື້ນຖານຫຼັກການລວມສູນປະຊາທິປະໄຕ ທັງຖືກຕ້ອງສອດຄ່ອງກັບມາດຖານເງື່ອນໄຂທີ່ກຳນົດໄວ້. ເຊິ່ງມີຜູ້ອອກຮັບສະໝັກເລືອກຕັ້ງ ຈຳນວນ 13 ສະຫາຍ, ຍິງ 4 ສະຫາຍ ແລະ ເລືອກໄດ້ 9 ສະຫາຍ, ຍິງ 2 ສະຫາຍ ຄື ສະຫາຍ ສອນແກ້ວ ທິບພາວັນ ເປັນປະທານ, ສະຫາຍ ຈັນຫາ ດາວລາສຸກ ເປັນຮອງປະທານ, ສະຫາຍ ສີພັກ ພົມມະວີ ເປັນຮອງປະທານ, ສະຫາຍ ບຸນທະວີ ທຳມະວົງ, ສະຫາຍ ສົມໝາຍ ສິງພະຈັນ, ສະຫາຍ ນາງ ຈັນສຸກ ສີສຸມັງ, ສະຫາຍ ນາງ ບົວຈັນ ສີຫານາດ, ສະຫາຍສຸດໃຈ ວໍລະວົງ ແລະ ສະຫາຍ ໂສຍສົມຫວັງ ອຽງມິ່ງຄຳ ເປັນກຳມະການ. ໃນນັ້ນ, ໄດ້ເລືອກເອົາປະທານ ແລະ ຮອງປະທານກວດກາປະກອບມີ3 ສະຫາຍ, ຍິງ 1 ສະຫາຍຄື ສະຫາຍ ຈັນຫາ ດາວລາສຸກ ເປັນປະທານ, ສະຫາຍ ສີວັນ ພົມມີໄຊ ເປັນຮອງປະທານ ແລະ ສະຫາຍ ນາງ ເບົ້າລໍ່ ຢົງເຊັ່ງລໍ່ ເປັນຄະນະ. ກອງປະຊຸມໄດ້ເປັນກຽດຮັບຟັງການໂອ້ລົມຈາກສະຫາຍ ນາງ ອູທອນ ມາສີຊົນໄຊ ຄະນະບໍລິຫານງານສູນກາງສະຫະພັນກຳມະບານລາວ ປະທານສະຫະພັນກຳມະບານແຂວງຊຽງຂວາງ ເຊິ່ງສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ການຊີ້ນໍາ-ນຳພາຂອງຄະນະສະຫະພັນກຳມະບານ, ສະມາຊິກກຳມະບານເປັນຄູອາຈານ ແລະ ນັກສຶກສາທີ່ໄດ້ປະຕິບັດໜ້າທີ່ການເມືອງ ເຊິ່ງສາມາດຍາດໄດ້ຜົນສຳເລັດຫຼາຍດ້ານ, ພ້ອມກັນນັ້ນ, ສະຫາຍຍັງໄດ້ສະແດງຄວາມເປັນຫວ່ງເປັນໄຍຕໍ່ດ້ານອ່ອນ, ຂໍ້ຄົງຄ້າງ ທີ່ຈະໄດ້ສືບຕໍ່ແກ້ໄຂໃນຕໍ່ໜ້າເພື່ອເຮັດໃຫ້ມະຕິກອງປະຊຸມໃຫຍ່ຄັ້ງທີ່ II ຂອງຮາກຖານກຳມະບານ ໄດ້ຮັບການຈັດຕັ້ງປະຕິບັດໃຫ້ເກີດໝາກຜົນຕົວຈິງ ແລະສາມາດເຮັດລ້ອນໜ້າທີ່ການເມືອງຂອງຮາກຖານກຳມະບານເຊິ່ງມີບາງຕອນສະຫາຍໄດ້ກ່າວວ່າ:ຄະນະບໍລິຫານງານພວກເຮົາຈະໄດ້ສືບຕໍ່ເຮັດວຽກງານໂຄສະນາວຽກງານການເມືອງແນວຄິດທາງດ້ານລະບຽບກົດໝາຍ ແລະ ນະໂຍບາຍຕ່າງໆ ຂອງການຈັດຕັ້ງ ໂດຍສະເພາະແມ່ນລະບຽບ ກົດໝາຍ ແລະ ນະໂຍບາຍຂອງສະຫະພັນກຳມະບານລາວ, ປັບປຸງແບບແຜນວິທີການເຮັດວຽກແບບລວມສູນປະຊາທິປະໄຕໃຫ້ມີປະສິດທິພາບ. ເອົາໃຈໃສ່ເຕົ້າໂຮມສ້າງຄວາມສາມັກຄີພາຍໃນໃຫ້ໜັກແໜ້ນ, ປົກປ້ອງສິດຜົນປະໂຫຍດອັນຊອບທຳຂອງປະຊາຊົນລາວບັນດາເຜົ່າ ກໍຄືຊາວຜູ້ອອກແຮງງານລາວ, ສືບຕໍ່ສ້າງຂະບວນການຕ່າງໆຂອງສະຫະພັນກຳມະບານພວກເຮົາ 5 ເປັນເຈົ້າໃຫ້ມີຂະບວນການຟົດຟື້ນ ກວ້າງຂວາງ ແລະ ມີບັນຍາກາດດີ. ສ້າງອົງການຈັດຕັ້ງມະຫາຊົນໃຫ້ເຂັ້ມແຂງໃຫ້ແກ່ອົງການຈັດຕັ້ງພັກ ເພື່ອສ້າງໃຫ້ພັກມີຄວາມເຂັ້ມແຂງຮອບດ້ານ, ພ້ອມກັນເປັນເຈົ້າການ ແລະ ມີຄວາມເອກອ້າງທະນົງໃຈ ມີສະຕິຕື່ນຕົວໃນການເຄື່ອນໄຫວໃນອົງການຈັດຕັ້ງກຳມະບານລາວ ພ້ອມກັນສະກັດກັ້ນບັນຫາຫຍໍ້ທໍ້ທີ່ເກີດຂຶ້ນໃນສັງຄົມພວກເຮົາ, ສົ່ງເສີມຮັກສາມູນເເຊື້ອກຽດສັກສີຂອງວິທະຍາໄລຄູຄັງໄຂຂອງພວກເຮົາໃຫ້ດີຕະຫຼອດໄປ. ກອງປະຊຸມໄດ້ຮຽກຮ້ອງມາຍັງສະມາຊິກກຳມະບານບັນດາສະຫາຍຜູ່ແທນກອງປະຊຸມໄດ້ຍົກສູງຄວາມຮັບຜິດຊອບ ແລະ ສຸມສະຕິປັນຍາຂອງຕົນເຂົ້າໃນແຜນພັດທະນາ 2020-2024ໃຫ້ເຕັມໄປດ້ວຍບັນຍາກາດຟົດຟື້ນ ແລະ ປະສົບສຳເລັດຢ່າງສະຫງ່າງາມຕາມຈຸດປະສົງຄາດໝາຍທີ່ວາງໄວ້.ພ້ອມກັນເຊີດຊູສະຕິ ແລະ ຄວາມຮັບຜິດຊອບການເມືອງຂອງຕົນໃຫ້ສູງຂື້ນເລື້ອຍໆ ເຮັດໃຫ້ວຽກງານວິຊາການຂອງຕົນ ກໍ່ຄືການພັດທະນາວິທະຍາໄລຄູຄັງໄຂມີການຫັນປ່ຽນໃໝ່ທີ່ຕັ້ງໜ້າ.

ເຂົ້າເບິ່ງລາຍລະອຽດເພິ່ມເຕີມ

ຜູ້ລົງຂ່າວ ຈັນທະແສງ ທານີພອນ ວັນທີ່ລົງຂ່າວ: 2 ເດືອນ 07 ປີ 2020,




ທີ່ວິທະຍາໄລຄູຄັງໄຂ, 22 ມິຖຸນາ 2020 ຕ້ອນຮັບອາຈານຈົບການສຶກສາລະດັບລິນຍາເອກຄົນທຳອິດ ແລະ ມອບຕໍາແໜ່ງວິຊາການ ຄັ້ງທີ 4 ຂອງວິທະຍາໄລຄູຄັງໄຂ.

ຊື່ຜູ້ຂຽນ ອຈ

ຕໍ່ຈາກພິທີຈັດສົ່ງຄູ - ອາຈານ ແລະ ພະນັກງານພັກການເຂົ້າຮັບເບ້ຍບຳນານ ແລະ ຍົກຍ້າຍປະຈຳການໜ້າທີ່ໃໝ່ໄປພະແນກການອື່ນ. ວິທະຍາໄລຄູຄັງໄຂໄດ້ຈັດພິທີຕ້ອນຮັບອາຈານຮຽນຈົບການສຶກສາລະດັບປະລິນຍາເອກຄົນທຳອິດຂອງວິທະຍາໄລຄູຄັງໄຂ ແລະ ມອບຕຳແໜ່ງວິຊາການ ຄັ້ງທີ 4 ໃຫ້ແກ່ຄູ - ອາຈານ.
ໃນພິທີດັ່ງກ່າວໄດ້ປະກາດຕ້ອນຮັບ ອາຈານ ສົມໝາຍ ສິງພະຈັນ ທີ່ຈົບການສຶກສາລະດັບປະລິນຍາເອກຈາກປະເທດຢີປຸ່ນ ເຊິ່ງເປັນ ອາຈານ ຄົນທຳອິດທີ່ຈົບການສຶກສາລະດັບປະລິນຍາເອກຂອງວິທະຍາໄລຄູຄັງໄຂ, ທ່ານອາຈານ ວັນນີ ຢ່າງເຈຍມົວ ຜູ້ອຳນວຍການວິທະຍາໄລຄູຄັງໄຂໄດ້ມອບໃບຍ້ອງຍໍໃຫ້ແກ່ ອາຈານ ສົມໝາຍ ສິງພະຈັນ ເພື່ອຢັ້ງຢືນເຖິງຜົນງານການພະຍາຍາມໃນການສຶກສາຮໍ່າຮຽນລະດັບປະລິນຍາເອກຢູ່ຕ່າງປະເທດ ເຊິ່ງທ່ານກໍໄດ້ມີຄຳເຫັນຍ້ອງຍໍຊົມເຊີຍຕໍ່ຄວາມອົດທົນພະຍາຍາມໃນການສຶກສາຮໍ່າຮຽນເອົາຄວາມຮູ້ເພື່ອມາພັດທະນາວິທະຍາໄລຄູຂອງຕົນ. ນອກຈາກນັ້ນໃນພິທີຍັງໄດ້ປະກາດຄູ - ອາຈານຮັບຕໍາແໜ່ງວິຊາການປະຈຳສົກສຶກສາ 2019 - 2020 ຈຳນວນ 12 ທ່ານ ເຊິ່ງມີຕຳແນ່ງອາຈານ 1 ທ່ານ ແລະ ຕຳແໜ່ງຜູ້ຊ່ວຍອາຈານ 11 ທ່ານ. ມອບໃບຢັ້ງຢືນຕຳແໜ່ງວິຊາການຄັ້ງນີ້ ໂດຍແມ່ນທ່ານ ຄຳໃບ ຄຳສີ ຮອງຫົວໜ້າກົມສ້າງຄູ ກະຊວງສຶກສາ ແລະ ກິລາ ເປັນຜູ້ກ່າວມອບ. ໃນນັ້ນ, ທ່ານໄດ້ມີຄຳຄິດຄຳເຫັນຕໍ່ພິທີການມອບຕຳແໜ່ງວິຊາການດັ່ງກ່າວ, ທຳອິດທ່ານໄດ້ຍ້ອງຍໍຊົມເຊີຍຕໍ່ຜົນສຳເລັດການປະຕິບັດຕໍ່ໜ້າທີ່ວຽກງານຂອງຄູ- ອາຈານ, ພະນັກງານໃນວິທະຍາໄລຄູຄັງໄຂ ໂດຍສະເພາະແມ່ນຄູ - ອາຈານໄດ້ເອົາໃຈໃສ່ຕໍ່ໜ້າທີ່ວຽກງານຂອງຕົນໃຫ້ມີຜົນສຳເລັດໃນຫຼາຍດ້ານ ຈົນເຮັດໃຫ້ຄູ - ອາຈານ ຈຳນວນໜຶ່ງໄດ້ຮັບຕຳແໜ່ງວິຊາການຕາມການສະເໜີຂອງຜູ້ກ່ຽວ ແລະ ຄົ້ນຄວ້າອະນຸມັດຂອງຂັ້ນເທິງຕາມລະບຽບການ.

ເຂົ້າເບິ່ງລາຍລະອຽດເພິ່ມເຕີມ

ຜູ້ລົງຂ່າວ ຈັນທະແສງ ທານີພອນ ວັນທີ່ລົງຂ່າວ: 25 ເດືອນ 06 ປີ 2020,




ກັນຍາ 29

ຈັດສົ່ງພະນັກງານເຂົ້າຮັບບຳນານ ແລະ ຍົກຍ້າຍໄປຮັບໜ້າທີ່ໃໝ່ ປະຈຳສົກຮຽນ 2019 - 2020 ໃນວັນທີ 22 ມິຖຸນາ 2020

ຊື່ຜູ້ຂຽນ ອຈ

ຕອນບ່າຍຂອງວັນທີ 22 ມິຖຸນາ 2020 ວິທະຍາໄລຄູຄັງໄຂຈັດພິທີຈັດສົ່ງພະນັກງານພັກການເພື່ອເຂົ້າຮັບບຳນານ ແລະ ຍົກຍ້າຍໜ້າທີ່ໃໝ່ໄປປະຈຳການຢູ່ພະແນກການອື່ນ.

ໂດຍພາຍໃຕ້ການເຂົ້າຮ່ວມຂອງທ່ານຄຳໃບ ຄຳສີ ຮອງຫົວໜ້າກົມສ້າງຄູ ກະຊວງສຶກສາ ແລະ ກິລາ, ທ່ານ ອາຈານ ວັນນີ ຢ່າງເຈຍມົວ ຜູ້ອຳນວຍການວິທະຍາໄລຄູຄັງໄຂ ພ້ອມຄະນະ ແລະ ຄູ - ອາຈານ, ພະນັກງານ ທັງໝົດເກືອບ 200 ກວ່າທ່ານ. ໃນພິທີດັ່ງກ່າວໄດ້ປະກາດໃຫ້ທ່ານອາຈານ ພູຂຽວ ພານຸວົງ ຫົວໜ້າຫ້ອງການວິທະຍາສາດທຳມະຊາດພັກການເຂົ້າຮັບເບ້ຍບຳນານ ແລະ ນາງ ຕຸ້ຍຕິ່ງ ສີດວງຕີ ຮອງຫົວໜ້າໜ່ວຍງານຫໍສະໝຸດຍົກຍ້າຍໄປປະຈຳການຢູ່ພະແນກຖະແຫຼງຂ່າວ, ວັດທະນະທຳ ແລະ ທ້ອງທ່ຽວແຂວງຊຽງຂວາງ. ທຳອິດ ທ່ານ ອາຈານ ພູຂຽວ ພານຸວົງ ກໍໄດ້ຜ່ານຊີວະປະຫວັດຂອງຕົນໃຫ້ແກ່ຄູ - ອາຈານ , ພະນັກງານຮັບຟັງ ເພື່ອເປັນແບບຢ່າງໃນການດຳລົງຊີວິດ, ໃນໜ້າທີ່ວຽກງານ ແລະ ການສຶກສາຮຳ່ຮຽນ ໂດຍສະເພາະແມ່ນການສິດສອນກັບນັກຮຽນນັກສຶກສາ. ຈາກນັ້ນ, ກໍໄດ້ຮັບຟັງການສະເໜີຊີວະປະຫວັດຂອງ ນາງ ຕຸ້ຍຕິ່ງ ສີດວງຕີ ຮອງຫົວໜ້າໜ່ວຍງານຫໍສະໝຸດ ເຊິ່ງຜູ້ກ່ຽວກໍໄດ້ຍົກໃຫ້ເຫັນຜົນງານການເຄື່ອນໄຫວຢ່າງຫຼວງຫຼາຍໃຫ້ແກ່ວິທະຍາໄລຄູຄັງໄຂ ເຊິ່ງຜົນງານດັ່ງກ່າວແມ່ນໄດ້ມອບໃຫ້ຄູ - ອາຈານ, ພະນັກງານຮັບຜິດຊອບຕໍ່ໄປ. ເພື່ອເປັນການຢັ້ງຢືນເຖິງຜົນງານການເຄື່ອນໄຫວຂອງ ທ່ານ ອາຈານ ພູຂຽວ ພານຸວົງ ແລະ ນາງ ຕຸ້ຍຕິ່ງ ສີດວງຕີ ທ່ານ ອາຈານ ວັນນີ ຢ່າງເຈຍມົວ ຜູ້ອຳນວຍການວິທະຍາໄລຄູຄັງໄຂໄດ້ມີຄຳຄິດຄຳເຫັນສະແດງການຍ້ອງຍໍຊົມເຊີຍຜົນງານການເຄື່ອນໄຫວຂອງທັງສອງທ່ານ ໃນການປະກອບສ່ວນເຂົ້າໃນວຽກງານການສ້າງຄູ ເຊິ່ງທ່ານໄດ້ຮຽກຮ້ອງໃຫ້ ຄູ - ອາຈານ, ພະນັກງານ ທັງໝົດຈົ່ງຖືເປັນແບບຢ່າງໃນການເຄື່ອນໄຫວສ້າງສາພັດທະນາໜ້າທີ່ວຽກງານໃຫ້ກ້າວໜ້າຂຶ້ນ, ສືບຕໍ່ສ້າງຄວາມສາມັກຄີ, ເອື້ອເຟື້ອເພື່ອແພ່ຊ່ວຍເຫຼື່ອເຊິ່ງກັນ ແລະ ກັນຕະຫຼອດໄປ. ທີ່ວິທະຍາໄລຄູຄັງໄຂ, 22 ມິຖຸນາ 2020

ຜູ້ລົງຂ່າວ ຈັນທະແສງ ທານີພອນ ວັນທີ່ລົງຂ່າວ: 22 ເດືອນ 06 ປີ 2020,




ເມສາ 11

ກອງປະຊຸມຄະນະພັກຮາກຖານວິທະຍາໄລຄູຄັງໄຂ ໃນເວລາ 1 ໂມງ 00 ນາທີ ຂອງວັນທີ 19 ມີຖຸນາ 2020

ຊື່ຜູ້ຂຽນ ອາຈານ

ວິທະຍາໄລຄູຄັງໄຂໄດ້ຈັດດກອງປະຊຸມຄະນະພັກຮາກຖານຂຶ້ນທີ່ຫ້ອງປະຊຸມວິທະຍາໄລຄູຄັງໄຂ ພາຍໃຕ້ການເປັນປະທານຂອງ ສະຫາຍ ວັນນີ ຢ່າງເຈຍມົວ ເລຂາຄະນະພັກຮາກຖານ ແລະ ເປັນກຽດເຂົ້າຮ່ວມໂດຍ ສະຫາຍ ສຸວອນ ພົມມະວີ ຫົວໜ້າຂະແໜງກໍ່ສ້າງພັກ ຄະນະຈັດຕັ້ງແຂວງ ພ້ອມຄະນະ, ມີບັນດາ ສະຫາຍ ສະມາຊິກພັກສົມບູນ ແລະ ສຳຮອງ ເຂົ້າຮ່ວມທັງໝົດ 137 ສະຫາຍ ຈຸດປະສົງຂອງກອງປະຊຸມໃນຄັ້ງນີ້ກໍເພື່ອເປັນການຮ່ວມຊີວິດການເມືອງຂອງຄະນນະພັກຮາກຖານທົ່ວວິທະຍາໄລຄູຄັງໄຂ, ເປັນການຫວນຄືນການເຄື່ອນໄຫວຈັດຕັ້ງປະຕິບັດໜ້າທີ່ວຽກງານໃນໄລຍະຜ່ານມາ ແລະ ແຜນການທິດທາງໃນຕໍ່ໜ້າ ແລະ ເປັນການກະກຽມໃສ່ກອງປະຊຸມໃຫຍ່ ຄັ້ງທີ 7 ຂອງຄະນະພັກຮາກຖານວິທະຍາໄລຄູຄັງໄຂ.

ໃນກອງປະຊຸມບັນດາສະຫາຍຜູ້ແທນກອງປະຊຸມໄດ້ຮັບຟັງການມີຄຳເຫັນ ແລະ ຮັບຟັງການຜ່ານຮ່າງບົດລາຍງານການເມືອງທັງສອງພາກ ຈາກສະຫາຍ ວັນນີ ຢ່າງເຈຍມົວ ປະທານກອງປະຊຸມ ພ້ອມນັ້ນບັນດາສະຫາຍຜູ້ແທນກອງປະຊຸມກໍໄດ້ປະກອບຄຳຄິດເຫັນໃສ່ບົດລາຍງານດັ່ງກ່າວ. ຈາກນັ້ນບັນດາສະຫາຍກໍໄດ້ຮັບຟັງການຜ່ານຮ່າງບົດສຳຫຼວດການນຳພາຂອງຄະນະພັກຮາກຖານວິທະຍາໄລຄູຄັງໄຂ ຈາກສະຫາຍ ສຸດຈັນທອງ ຈັນທະວົງ ຮອງເລຂາຄະນະພັກຮາກຖານ ແລະ ໄດ້ຮັບຟັງການຜ່ານບົດສະຫຼຸບວຽກງານການເງິນໃນໜ່ວຍພັກຮາກຖານ ຈາກສະຫາຍ ຄຳແຝງ ແສງຄຳຈັນ ຄະນະພັກຮາກຖານວິທະຍາໄລຄູຄັງໄຂ. ໃນຕອນທ້າຍ ສະຫາຍ ຄຳຮູ້ ຈັນທະປັນຍາ ຄະນະພັກຮາກຖານ ກໍໄດ້ຜ່ານມະຕິຮັບຮອງຂອງທ່ານເລຂາພັກແຂວງວ່າດ້ວຍການຮັບຮອງເອົາ 8 ໜ່ວຍພັກ ໃນຮາກຖານພັກວິທະຍາໄລຄູຄັງໄຂ ເປັນໜ່ວຍພັກປອດໃສເຂັ້ມແຂງໜັກແໜ້ນ ເຊິ່ງລວມມີ ໜ່ວຍພັກ ວັດປະເມີນຜົນ - ພັດທະນາຄູ, ໜ່ວຍພັກສົ່ງເສີມວິຊາການ, ໜ່ວຍພັກກິດຈະການນັກສຶກສາ, ໜ່ວຍພັກຈັດຕັ້ງພັກ - ພະນັກງານ, ໜ່ວຍພັກບໍລິຫານ, ໜ່ວຍພັກວິທະຍາສາດທຳມະຊາດ, ໜ່ວຍພັກອະນຸບານ - ປະຖົມ ແລະ ໜ່ວຍພັກໂຮງຮຽນປະຖົມສາທິດ ເຊິ່ງແມ່ນສະຫາຍ ສຸວອນ ພົມມະວີ ຫົວໜ້າຂະແໜງກໍ່ສ້າງ ຄະນະຈັດຕັ້ງແຂວງ ເປັນກຽດຂຶ້ນມອບໃບຮັບຮອງດັ່ງກ່າວ ພ້ອມນັ້ນ, ສະຫາຍ ສຸວອນ ພົມມະວີ ຍັງໄດ້ໃຫ້ກຽດຂຶ້້ນຜ່ານມາດຖານເງື່ອນໄຂໃນການທາບທາມເອົາຄະນະພັກຮາກຖານຊຸດໃໝ່. ຈາກນັ້ນ, ສະຫາຍ ພົມມາ ສໍສົມມີ ຫົວໜ້າຄະນະຮັບຜິດຊອບການປ່ອນບັດທາບຂຶ້ນແນະນຳວິທີການຕ່າງໆ ແລະ ກໍໄດ້ຈັດຕັ້ງການປ່ອນບັດທາບທາມດັ່ງກ່າວຈົນສຳເລັດ ເພື່ອກະກຽມໃສ່ກອງປະຊຸມໃຫຍ່ ຄັ້ງທີ 7 ຂອງຄະນະພັກຮາກຖານວິທະຍາໄລຄູຄັງໄຂ ທີ່ຈະເປີດໃນບໍ່ດົນນີ້.

ຜູ້ລົງຂ່າວ ຈັນທະແສງ ທານີພອນ ວັນທີ່ລົງຂ່າວ: 19 ເດືອນ 06 ປີ 2020,



ອ່ານຕໍ່    4| | | 1 4| | | 2 | | |3 4| | | 3 | | |3 4| | | 4 | | |3 4| | | 5 | | |3 4| | | 6 | | |3

           4| | | 7 | | |3 4| | | 8 | | |3